शितलपाटी

पाल्पाका पत्रकार धर्नामा बुधबार, जेठ २७, २०८३ नेपाल पत्रकार महासंघ पाल्पा शाखाको अगुवाइमा जिल्लाका पत्रकारहरुले प्रेस स्वतन्त्रताको पक्षमा विभिन्न मागहरु राख्दै जिल्ला प्रशासन कार्यालय अगाडि एक घण्टा धर्ना दिएका छन् । पत्रकारहरुले प्ले कार्डसहित विहान ११ बजेदेखि अपराह्न्न १२ सम्म सो स्थानमा धर्ना दिएका हुन् ।

तानसेनमा अपाङ्गता भएका स्रष्टासँग सिर्जना वाचन शनिबार, जेठ २३, २०८३ जिल्लाको तानसेनमा अपाङ्गता भएका स्रष्टाहरुसँगै सिर्जना वाचन कार्यक्रम गरिएको छ । पाल्पा साहित्य समाजको आयोजनामा तानसेनको काजीपौवास्थित सर्जनशील अपाङ्ग स्वावलम्बन केन्द्रमा सिर्जना कार्यक्रम गरिएको हो । कार्यक्रममा अपाङ्गता भएका व्यक्तिहरूको जीवनभोगाइ, पीडा, संघर्ष तथा आत्मबल झल्काउने कविता, गीत, गजल र मुक्तक प्रस्तुत गरिएका थिए ।

पाल्पासहित बाह्र जिल्लाका सिडिओको सरुवा, को कहाँ ? शुक्रबार, जेठ २२, २०८३ गृह मन्त्रालयले पाल्पासहित बाह्र जिल्लाका प्रमुख जिल्ला अधिकारी(सिडिओ) र छ सहसचिवको सरुवा गरेको छ । एक वर्ष अवधि पुगेका सिडिओहरूको जिम्मेवारी हेरफेर गरिएको मन्त्रालयले जनाएको छ ।

आगामी निर्वाचनमा काँग्रेसलाई पहिलो पार्टी बनाउँछौं : महामन्त्री घिमिरे बिहीबार, जेठ २१, २०८३ ,नेपाली काँग्रेसका महामन्त्री गुरुराज घिमिरेले आगामी निर्वाचनमा पार्टीलाई मुलुककै पहिलो राजनीतिक शक्ति बनाउने लक्ष्यसहित अभियानलाई तीव्र पारिएको बताएका छन् । विहीबार नेपाली काँग्रेस पाल्पाले आयोजना गरेको भेटघाट कार्यक्रममा बोल्दै महामन्त्री घिमिरेले यस्तो बताएका हुन् ।

दलित पत्रकार संघको केन्द्रीय उपाध्यक्षमा मिलन बिहीबार, जेठ २१, २०८३ ,पाल्पाका क्रियाशिल पत्रकार मिलन (नरभूपाल) विश्वकर्मा राष्ट्रिय दलित पत्रकार संघ नेपालको केन्द्रीय उपाध्यक्षमा निर्विरोध निर्वाचित भएका छन् । संघको काठमाडौंमा सम्पन्न दोस्रो राष्ट्रिय महाधिवेशनबाट विक संघको केन्द्रीय उपाध्यक्ष पदमा सर्वसम्मत निर्वाचित भएका हुन् ।

प्रधानमन्त्री बालेनकोे बचाउ गर्दै सरकार बुधबार, जेठ २०, २०८३ सरकारले प्रधानमन्त्री बालेन्द्र (बालेन) शाहको हालैको अभिव्यक्तिलाई लिएर उठेका विभिन्न टिप्पणी र आलोचनाप्रति प्रतिक्रिया दिँदै उनको बचाउ गरेको छ । सरकारका प्रवक्ता तथा शिक्षा तथा खेलकुद मन्त्री सस्मित पोखरेलले प्रधानमन्त्रीले नेपालले पनि भारतको भूमि मिचेको छ भन्ने अभिव्यक्ति नदिएको भन्दै उनको बचाउ गरेका हुन् ।

सडकमै खाए, सडकमै रमाए मंगलबार, जेठ १९, २०८३ तानसेनबासीले सडक महोत्सवको अवसरमा सडकमै खाने, सडकमै गाउने र नाच्ने गरेर रमाएका छन् । तानसेनको भीमसेनटोलमा आयोजना गरिएको सडक खाना महोत्सवमा जिल्ला भित्र तथा बाहिरका पर्यटकहरुले सडकमै नाचगान सहित खाजाका परिकार खाएर सडक महोत्सव मनाए ।

संसद्मा बोल्दा विवादमा तानिए प्रधानमन्त्री सोमबार, जेठ १८, २०८३ गत फागुनमा भएको प्रतिनिधि सभा निर्वाचनपछि प्रधानमन्त्रीको हैसियतमा पहिलो पटक सांसदहरूसँगको प्रश्नोत्तरमा सहभागी बालेन शाहको अभिव्यक्ति विवादमा तानिएको छ ।

मदिरा र चुरोटमा कर वृद्धि आइतबार, जेठ १७, २०८३ सरकारले मदिरा र चुरोटमा कर बढाएको छ । शुक्रबार संघीय संसद्को संयुक्त बैठकमा आगामी आर्थिक वर्षको बजेट प्रस्तुत गर्दै अर्थमन्त्री डा. स्वर्णिम वाग्लेले मदिरा र चुरोटमा कर बृद्धि गरिएको जानकारी गराएका हुन् ।

सरकारले ल्यायो २१ खर्ब २४ अर्ब ३४ करोडको बजेट शनिबार, जेठ १६, २०८३ सरकारले आगामी आर्थिक वर्ष २०८३÷८४ का लागि २१ खर्ब २४ अर्ब ३४ करोडको वार्षिक बजेट ल्याएको छ । संघीय संसदको संयुक्त सदनमा अर्थमन्त्री अर्थमन्त्री डा. स्वर्णिम वाग्लेले शुक्रबार उक्त बजेट प्रस्तुत गरेका हुन् ।

लोककल्याणकारी विज्ञापन कार्यक्रमलाई निरन्तरता शुक्रबार, जेठ १५, २०८३ सरकारले सञ्चार माध्यमलाई प्रदान गर्दै आएको लोककल्याणकारी विज्ञापन कार्यक्रमलाई आगामी आर्थिक वर्ष २०८३÷८४ मा पनि निरन्तरता दिने भएको छ ।

गणतन्त्र दिवसमा प्रधानमन्त्रीले सम्बोधन गर्ने परम्परा तोडियो शुक्रबार, जेठ १५, २०८३ विगतमा गणतन्त्र दिवसको अवसरमा प्रधानमन्त्रीले सम्बोधन गर्ने परम्परा भए पनि यस पटक भने तोडिएको छ । संघीय लोकतान्त्रिक गणतन्त्र १९ वर्ष प्रवेशका अवसरमा सैनिक मञ्च टुँडिखेलमा आयोजित विशेष समारोहलाई शुक्रबार राष्ट्रपति रामचन्द्र पौडेलले सम्बोधन गरेसँगै विगतमा कार्यकारी प्रमुखबाट सम्बोधन गर्ने परम्परा पहिलो पटक तोडिएको हो ।