शितलपाटी

वैदेशिक रोजगारीलाई सुरक्षित बनाउन स्थानीय सरकारसँग छलफल बिहीबार, वैशाख ७, २०८० लुम्बिनी प्रदेश उद्योग पर्यटन तथा यातायात व्यवस्था मन्त्रालयले वैदेशिक रोजगारीलाई सुरक्षित र मर्यादित बनाउन पाल्पाका स्थानीय सरकारसँग छलफल गरेको छ । मन्त्रालयले तानसेनमा स्थानीय तहका जनप्रतिनिधी तथा प्रमुख प्रशासकीय अधिकृतहरुलाई राखेर छलफल गरेको हो ।

रेचेघाटमा पक्की पुल निर्माण बिहीबार, वैशाख ७, २०८० पाल्पाको विकट क्षेत्र निस्दी गाउँपालिका–६ र पूर्वखोला गाउँपालिका–१ जोड्ने निस्दीखोलाको रेचेघाटमा पक्की पुल निर्माण गरिएको छ । जय नेपाल कम्पनी विवेककुमार निर्माण सेवा प्रालि, स्याङ्जाले ठेक्का लिएको उक्त पुल कुल चार करोड ४८ लाखको लागतमा निर्माण गरिएको हो ।

सिटिजन्स बैंकले दियो तानसेन बहुमुखी क्याम्पसलाई पंखा बिहीबार, वैशाख ७, २०८० सिटिजन्स बैंक इन्टरनेश्नल लिमिटेड तानसेन शाखाले तानसेन बहुमुखी क्याम्पसलाई पंखा दिएको छ । बैंकले १६ औं वार्षिक उत्सवको अवसरमा सामाजिक उत्तरदायित्व कार्यक्रम अन्तर्गत क्याम्पसलाई ७ थान पंखा दिएको हो ।

रिब्दीकोटको जंगलमा एक वृद्ध मृत फेला बुधबार, वैशाख ६, २०८० जिल्लाको रिब्दीकोट गाउँपालिकाको एक जंगलमा वृद्ध मृत फेला परेका छन् । रिब्दीकोट गाउँपालिका–५ ढकाल टोलका ६३ वर्षीय राजकुमार घिमिरे घर नजिकै रहेको भैरव सामुुदायिक वनमा बुधबार मृत अवस्थामा फेला परेका हुन् ।

सेनाको गोरखा–जितगढी पदयात्रा बुधबार, वैशाख ६, २०८० नेपाली सेनाले चैत २९ गतेदेखि गोरखा–जितगढी पदयात्रा सञ्चालन गरेको छ । ऐतिहासिक महत्व बोकेका गढी, किल्ला, युद्धस्थल, पदमार्ग लगायतका धरोहरको संरक्षण, सम्वद्र्धन र प्रवद्र्धन गर्ने तथा सैनिक ईतिहासको जगेर्ना गर्ने उद्देश्यले सेनाले पदयात्रा शुरू गरेको हो ।

महिला सक्रियतामा भजन : हट्दै अल्छीपन, हलुङ्गिदै मन बुधबार, वैशाख ६, २०८० अधिकांश भजनकिर्तनमा पुरुषको वर्चस्व पाइन्छ । पुरुष समूहमा सहभागी भएर विभिन्न स्थानमा भजन गाउने गर्छन् । महिला सहभागिता कमै देखिन्छ । वैष्णव सम्प्रदायको केन्द्रीय कार्यालय रहेको राधा दामोदर नेपाल निम्वार्क पिठ केलादीधाममा राधे भजनमा महिलाको सक्रियता छ ।

पाल्पाली संगमले काठमाडौँमा महोत्सव गर्दै मंगलबार, वैशाख ५, २०८० पाल्पाबाट विभिन्न पेशा व्यवसाय, अध्ययन र रोजगारको शिलशिलामा काठमाडौंमा बस्दै आएका पाल्पालीहरुको साझा संस्था पाल्पाली संगमले काठमाडौंमा महोत्सव गर्न लागेको छ । संगमले स्थापना दिवसको अवसरमा काठमाडौँमा पाल्पा महोत्सव २०८० आयोजना गर्न लागेको हो ।

कानुन सिक्दै रामपुरका जनप्रतिनिधि मंगलबार, वैशाख ५, २०८० स्थानीय तहमा कानुनी ज्ञानको कमीले कार्यसम्पादनमा अलमल र अन्योल सिर्जना भइरहेका बेला पाल्पा रामपुर नगरपालिकाका जनप्रतिनिधिहरूले कानुनी प्रक्रियाको विषयमा जानकारी लिन थालेका छन् । नगरपालिकाका जनप्रतिनिधि र कर्मचारीलाई लुम्बिनी प्रदेश आन्तरिक मामिला तथा सहकारी मन्त्रालयले रामपुरमा तालिम दिइरहेको छ । दुुई दिनसम्म चल्ने सचेतनामूलक कार्यक्रम सोमबारदेखि सुरु भएको हो ।

कालीगण्डकी नदी किनारमा एक महिला मृत फेला सोमबार, वैशाख ४, २०८० कालीगण्डकी नदी किनारमा एक महिला मृत फेला परेकी छन् । जिल्लाको रामपुर नगरपालिका –घोप्टेघाटस्थित कालीगण्डकी नदीको किनारमा स्याङ्जा चापकोट नगरपालिका–८ दामाचौरकी ५३ वर्षीया सरस्वती पाठक सोमबार मृत अवस्थामा फेला परेकी हुन् ।

रामपुरमा उन्नत जातको विउ बोका वितरण सोमबार, वैशाख ४, २०८० जिल्लाको रामपुर नगरपालिकामा उन्नत जातको विउ बोका वितरण गरिएको छ । रामपुर नगरपालिका र हेफर प्रोजेक्ट नेपालको आर्थिक साझेदारी तथा पछौटेपन उन्मूलन समाज (बेस) नेपालको सहजीकरणमा बोका वितरण गरिएको हो ।

कानुन सचेतना सम्बन्धी कार्यक्रम रामपुरमा सुरु सोमबार, वैशाख ४, २०८० स्थानीय तहमा प्रदेश कानुन लगायत विभिन्न कानुनहरुको २ दिने सचेतना कार्यक्रम रामपुर नगरपालिकामा सोमबार देखि शुरु भएको छ । लुम्बिनी प्रदेश आन्तरिक मामिला तथा सहकारी मन्त्रालयको आयोजनामा नगरपालिका भित्रका जनप्रतिनिधिहरुका लागि कानुन सम्बन्धी २ दिने सचेतना कार्यक्रम सुरु भएको भएको हो ।

प्रहरीको बदनाम गराएको अभियोगमा एक पक्राउ सोमबार, वैशाख ४, २०८० रुपन्देही प्रहरीले समाचारका झुटो विवरण दिई विभिन्न सञ्चारमाध्यममार्फत नेपाल प्रहरीको बदनाम गराउन खोज्ने एक व्यक्तिलाई पक्राउ गरेको छ ।