शितलपाटी

खोपको विवरण पठाउन निर्देशन मंगलबार, माघ २५, २०७८ स्वास्थ्य तथा जनसंख्या मन्त्रालयले भोलि (बुधबार) सम्म कोरोना भाइरस विरुद्धको खोपको विवरण उपलब्ध गराउन मातहतका निकायलाई निर्देशन दिएको छ ।

पाल्पामा मंगलबार थप ४७ जनामा कोराना संक्रमण पुष्टि मंगलबार, माघ २५, २०७८ पाल्पामा ४७ जना नयाँँ कोरोना संक्रमित थपिएका छन् । स्वास्थ्य कार्यालय पाल्पाले मंगलबार सार्वजनिक गरेको नियमित कोरोना अपटेडमा यहाँका विभिन्न स्थानीय तहमा पछिल्लो २४ घण्टामा ४७ जनामा संक्रमण पुष्टि भएको हो ।

निर्माणधिन रेसुङ्गा विमानस्थल मंगलबार, माघ २५, २०७८ गुल्मीको रेसुङ्गा नगरपालिका १० सिमीचौरमा निर्माणधिन अवस्थामा रहेको रेसुङ्गा विमानस्थल । आगामी बैशाख महिना भित्रमा नियमित उडान गर्ने गरी विमानस्थलको काम तिव्र रुपमा अगाडि बढेको छ । यहाँ अहिले अन्तिम चरणका टर्मिनल भवन र धावन मार्गको काम सकिन थालेको छ ।

खस्यौली प्राथमिक स्वास्थ्य केन्द्रमा प्रयोगशाला मंगलबार, माघ २५, २०७८ पाल्पाकोे रिब्दीकोट गाउँपालिकाले खस्यौली प्राथमिक स्वास्थ्य केन्द्रमा प्रयोगशाला सञ्चालनमा ल्याएको छ । गाउँपालिकाले ४० प्रकारका रोगहरूको परीक्षण गर्न प्रयोगशाला सञ्चालनमा ल्याएको हो । यसअघि स्वास्थ्यचौकीमा २८ प्रकारका रोगको परीक्षण गर्दै आएको थियो । परीक्षणको दायरा फराकिलो बनाएपछि स्थानीय बासिन्दा उत्साहित भएका छन् ।

पाल्पामा मोटरसाईकल चोरी गर्ने पक्राउ सोमबार, माघ २४, २०७८ मोटरसाईकल चोरी गर्ने पक्राउ परेका छन् । जिल्लाको तिनाउ गाउँपालिका ५ चरचरेमा पार्किङ गरी राखेको मोटरसाईकल चोरी गर्ने पूर्वखोला गाउँपालिका ४ का २२ वर्षीय अनिल परियारलाई प्रहरीले पक्राउ परेको हो ।

पाल्पामा सोमबार थप ९७ जना संक्रमितले कोरोना जिते सोमबार, माघ २४, २०७८ जिल्लामा पछिल्लो २४ घण्टामा थप ९७ जना संक्रमितले कोरोना जितेका छन् । आइसोलेसन तथा विभिन्न अस्पतालमा उपचार गराइरहेका जिल्लाका ३९ जना महिला र ५८ जना पुरुषले कोरोना जितेका हुन् ।

कफीमा सिन्दुरे रोग : पाल्पाका किसान चिन्तित सोमबार, माघ २४, २०७८ पाल्पामा कफी खेतीमा सेतो गबारो र सिन्दुरे रोग देखिन थालेको छ । ती रोगले कफीका बोट सुक्न थालेपछि किसान चिन्तित भएका छन् । कफी व्यवसायी संघ पाल्पाका संयोजक कमलराज खनालले यसवर्ष कफीका बोटमा सिन्दुरे र गबारो रोग देखिएकाले यसका बोट सुकेर जान थालेको बताए ।

माथागढीमा उद्यमशिलता विकास तालिम सोमबार, माघ २४, २०७८ जिल्लाको माथागढी गाउँपालिकामा उद्यमशिलता विकास तालिम दिइएको छ । गाउँपालिकाले ‘स्थानीय स्रोत साधनको सदुपयोग गरौं सीप सिकौ आत्मनिर्भर बनौं’ भन्ने उद्देश्यका साथ गरिबी निवारणका लागि लघुउद्यम विकास कार्यक्रम अन्तर्गत ७ दिने उद्यमशिलता विकास तालिम दिएको हो ।

पाल्पामा आइतबार थप १ सय २० जना संक्रमणमुक्त आइतबार, माघ २३, २०७८ जिल्लामा पछिल्लो २४ घण्टामा थप १ सय २० जना कोरोना संक्रमित संक्रमणमुक्त भएका छन् । आइसोलेसन तथा विभिन्न अस्पतालमा उपचार गराइरहेका जिल्लाका ६२ जना महिला र ५८ जना पुरुष संक्रमणमुक्त भएका हुन् ।

तानसेनमा एमसीसीको विरोध गरिने आइतबार, माघ २३, २०७८ तानसेनमा मिलेनियम च्यालेन्ज कर्पोरेसन (एमसीसी)को विरोध गरिने भएको छ । सरकारले एमसीसी पास गर्ने तयारी गर्न थालेपछि तानसेनमा संयुक्त विरोध प्रदर्शन हुन लागेको हो ।

पाल्पामा शनिबार थप ७४ जना संक्रमित निको भए शनिबार, माघ २२, २०७८ जिल्लामा पछिल्लो २४ घण्टामा थप ७४ जना कोरोना संक्रमित निको भएका छन् । आइसोलेसन तथा विभिन्न अस्पतालमा उपचार गराइरहेका जिल्लाका ४१ जना महिला र ३३ जना पुरुष संक्रमित निको भएका हुन् ।

तानसेनमा बेहोस अवस्थामा फेला परेका मगन्तेको मृत्यु शनिबार, माघ २२, २०७८ जिल्लाको सदरमुकाम तानसेनमा बेहोस अवस्थामा फेला परेका एक मगन्तेको मृत्यु भएको छ । तानसेनस्थित बसपार्कमा बेहोस अवस्थामा फेला परेका अर्घाखाँची छत्रदेव गाउँपालिका -४ का ५२ वर्षीय गणेश परियारको मृत्यु भएको हो ।