गुल्मी, (तम्घास),नेपाली लोकल मदिरालाई व्राण्डेड गरेर ग्रामिण स्वरोजगारीको लागि वहस भई रहेका बेला गुल्मी प्रहरीले सवारी साधानमा राखेर सदरमुकाम तम्घास ल्याउँदै गरेको अवैध घरेलु मदिरा बरामत गरेको छ ।
रिडीदेखि तम्घासतर्फ आउँदै गरेका चार सवारी साधनलाई देउरालीमा चेकजाँचको क्रममा अवैध घरेलु मदिरा फेला परेकाले जफत गरिएको जिल्ला प्रहरी कार्यालय गुल्मीका प्रहरी नायव उपरीक्षक माधवराज खरेलले बताए । बरामद गरिएको मदिरा स्थानीय जनप्रनिधिको रोहवरमा नष्ट गरिएको प्रहरीले जनाएको छ ।