शिक्षा र समाज

घुस लिएको अभियोगमा वन रक्षक विरुद्ध मुद्दा

Shittalpati Reporter

काठमाडौं । अख्तियार दुरुपयोग अनुसन्धान आयोगले सबडिभिजन वन कार्यालय मुर्गिया, रुपन्देहीका वन रक्षक प्रेमचन्द्र विश्वकर्मा विरुद्ध मंगलबार विशेष अदालतमा मुद्दा दायर गरेको छ ।

आयोगका प्रवक्ता तारानाथ अधिकारीका अनुसार पुर्जीवाला चिरान काठ ओसारपसार गर्न सहयोग गरेबापत सेवाग्राहीसँग १२ हजार रुपैयाँ घुस लिँदै गरेको अवस्थामा उनी पक्राउ परेका थिए । आयोगले गरेको अनुसन्धानमा सेवाग्राहीसँग वन रक्षकले घुस लिएको समेत पुष्टि भएको छ । आयोगले आरोपी वन रक्षक विश्वकर्मा विरुद्ध बिगो अनुसारको कारवाहीको माग गरेको छ ।


प्रकाशित मिति: मंगलबार, मंसिर ९, २०७७, ०६:२८:००
प्रतिक्रिया दिनुहोस्