राजनीति

प्रदेश राजधानी देउखुरीका विपक्षमा मतदान गर्न कांग्रेसको ह्विप

Shittalpati Reporter

रुपन्देही । नेपाली कांग्रेसले प्रदेश नं ५ को स्थायी राजधानी देउखुरीका विपक्षमा मतदान गर्न आफ्ना प्रदेशसभा सदस्यलाई ह्विप जारी गरेको छ । आज बस्ने प्रदेशसभा बैठकमा मतदान प्रक्रियाबाट राजधानी तोक्ने निर्णय हुन सक्ने भएकाले दाङस्थित देउखुरीका विपक्षमा मतदान गर्न कांग्रेस संसदीय दलले ह्विप लगाएको हो ।

प्रदेश सरकारले प्रदेशसभामा पेश गरेका प्रस्तावका विपक्षमा मतदान गर्ने निर्णय भएको विपक्षी दल कांग्रेसका नेता वीरेन्द्रकुमार कनौडियाले जानकारी दिए । नामका बारेमा भने काँग्रेसको असहमति नरहेको उनले बताए । कांग्रेसले निर्णय गरे पनि दाङ र बाँकेका नेताले भने दाङकै पक्षमा मतदान गर्ने तयारी गरेका छन् । प्रदेश सरकारको निर्णयपछि आन्तरिक मामिला तथा कानूनमन्त्री कुलप्रसाद केसीले स्थायी राजधानी देउखुरी उपत्यका र प्रदेशको नाम लुम्बिनी प्रस्ताव गर्दै प्रदेशसभामा शुक्रबार पेश गरे ।       –रासस


प्रकाशित मिति: मंगलबार, आश्विन २०, २०७७, ०१:२०:००
प्रतिक्रिया दिनुहोस्

थप समाचार

काँग्रेसबाट सांसद बनेका पाण्डेले लिए सपथ मंगलबार, आश्विन २०, २०७७, ०१:२०:००
गुल्मी काँग्रेसमा प्रवेशको लहर बढ्दो मंगलबार, आश्विन २०, २०७७, ०१:२०:००
काँग्रेसमा अहिरो, नेकपामा पहिरो मंगलबार, आश्विन २०, २०७७, ०१:२०:००