पाल्पा,नेपाली कांग्रेसले सभापति गगन कुमार थापालाई प्रधानमन्त्रीको उम्मेदवार बनाउने निर्णय गरेको छ। शुक्रबार सानेपास्थित पार्टी कार्यालयमा बसेको केन्द्रीय कार्य समिति बैठकले सभापति थापालाई भावी प्रधानमन्त्रीको उम्मेदवार बनाउने निर्णय गरेको हो ।

बैंठकमा उपसभापति विश्वप्रकाश शर्माले थापालाई प्रधानमन्त्रीको उम्मेदवार घोषणा गर्ने प्रस्ताव पेस गरेका थिए । उक्त प्रस्तावलाई केन्द्रीय कार्यसमितिको बैंठकले सर्वसम्मत रुपमा पारित गरेको छ । देशको प्रधानमन्त्री कसलाई बनाउने भन्नेमा मतदातालाई सजिलो होस् भनेर यस्तो निर्णय गरिएको  नेपाली काँग्रेसले जनाएको छ । विशेष महाधिवेशनबाट सभापतिमा निर्वाचितपछि पहिलो पटक पार्टी कार्यालय पुगेर थापाले शुक्रबार पदवहाली गरेका छन् ।