लुम्बिनी,नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ले सहिद स्मृति प्रतिष्ठान रुपन्देहीका संस्थापक अध्यक्ष स्वर्गीय रामप्रसाद बन्जाडे ‘टङ्कमणि’को आज बुटवलमा सालिक अनावरण गरेका छन । 

सो अवसरमा अध्यक्ष दाहालले माओवादीले तत्कालिन अवस्थामा सुरु गरेको सशस्त्र विद्रोहमा स्वर्गिय टङ्कमणिको अतुलनीय योगदान रहेको बताए। दिवङ्गत नेता टङ्कमणिबाट पार्टीले धेरै लिए पनि केही दिन नसकेको उनले बताइए । अध्यक्ष दाहालले भने, “पार्टीले उनलाई जटिल र जोखिम दिइन्थ्यो, उनी आफै पनि खोजेर त्यो लिनेगर्थे ।” टङ्कमणिले सधैँ गुमनाम तरिकाले जिम्मेवारी पूर्वक काम गर्ने गरेको उनको भनाइ थियो । 

माओवादीले सुरु गरेको सशस्त्र विद्रोहको सुरुआतदेखि नै भूमिगत रहेर काम गरेका टङ्कमणिको २०७८ मङ्सिर ८ गते सडक दुर्घटनामा परेर ५५ वर्षको उमेरमा निधन भएको हो । उनी माओवादी केन्द्रको केन्द्रीय सदस्य तथा रुपन्देहीको इन्चार्जको समेत जिम्मेवारी बहन गर्दै आएका थिए। सहिद स्मृति प्रतिष्ठान रुपन्देहीको परिसरमा प्रतिष्ठानका संस्थापक अध्यक्ष टङ्कमणिको सालिक निर्माण गरिएको हो । सो अवसरमा अध्यक्ष दाहालले पुस्तक समेत विमोचन गरे ।