पाल्पा, जल तथा मौसम विज्ञान विभागले भारीदेखि अति भारी वर्षाको सम्भावनालाई मध्यनजर गर्दै विशेष सतर्कता अपनाउन आग्रह गरेपछि जिल्लाका स्थानीय तहले विद्यालय बन्द गर्ने निर्णय गरेका छन् । सम्भावित अविरल वर्षाका कारण बाढी तथा डुबानको जोखिम बढ्न सक्ने भन्दै यहाँका रामपुर नगरपालिका, तानसेन नगरपालिका, रिब्दिकोट गाउँपालिका, रैनादेवी छहरा गाउँपालिका, निस्दी गाउँपालिका, माथागढी गाउँपालिका, रम्भा गाउँपालिकाले बिहीबार र शुक्रबार सबै विद्यालयमा पठनपाठन स्थगन गर्र्ने निर्णय गरेका हुन् ।
कति स्थानीय तहले विहीबारदेखि बन्द गरेका छन् भने केही शुक्रबादेखि बन्द गर्ने भएका छन् ।
गुल्मीका इस्मा, कालिगण्डकी र मदाने गाउँपालिकाले पनि बिहीबार र शुक्रबार शैक्षिक संस्था बन्द गरेका छन् । निरन्तरको वर्षाका कारण राजनीतिक दलका कार्यक्रमसमेत प्रभावित भएका छन् । नेपाली काँग्रेस ,नेकपा एमालेका अधिवेशनहरु स्थगित भएका छन् ।
