शितलपाटी

गुल्मीदरबार गाउँपालिकाले गर्‍यो प्रथम चौमासिक समिक्षा बुधबार, पुस १, २०७७ जिल्लाको गुल्मीदरबार गाउँपालिकाले आ.व. २०७७/०७८ को प्रथम चौमासिक समिक्षा गोष्ठी गरेको छ । गाउँपालिकाले आर्थिक वर्ष सुरु भएदेखि अहिलेसम्मको अवधिमा भए गरेका विभिन्न कार्यहरूका विषयमा जानकारी गराउने उद्देश्यले प्रथम चौमासिक समिक्षा गरेको हो ।

बगनासकालीका युवालाई बिना धितो ऋण बुधबार, पुस १, २०७७ गाउँमै केही गर्न चाहना भएका तर पूँजी अभावमा केही गर्न नसकेका युवाका लागि बिना धितो ऋण प्रदान गरिने भएको छ । पाल्पाको बगनासकाली गाउँपालिकाले केही गर्न चाहाने युवाहरुलाई १० लाख रुपैयाँसम्म विना धितो ऋणको व्यवस्था गर्न लागेको छ ।

पाल्पामा व्यावसायिक फूल खेतीतर्फ महिला बुधबार, पुस १, २०७७ पाल्पामा व्यावसायिक फूल खेतीतर्फ महिलाको सहभागिता बढेको छ । सयपत्री फूलको थुँगा र मालाको माग विवाह तथा शुभकार्यमा धेरै खपत हुने भएकाले महिला व्यावसायिक फूल खेतीमा लागेका छन् ।

संकटको सारथी बन्दै सामुदायिक रेडियो मदनपोखरा मंगलबार, मंसिर ३०, २०७७ कोभिड १९ महाव्याधीविरूद्ध संसार लडिरहेका बेला सिंगो नेपाली समुदाय पनि यसबाट जोगिन भागदौड गरिरहेको छ । सिंगो देश स्वास्थ्य संकटबाट जीवन बचाउन लागिरहेका बेला पाल्पाको सामुदायिक रेडियो मदनपोखरा पनि अहिले त्यसकै बलियो हिस्सा बनेको छ ।

कोरोनाले गर्दा लागेन यसवर्ष बाला चर्तुदशीको मेला आइतबार, मंसिर २८, २०७७ बाला चर्तुदशीको अवसरको गुल्मीको शान्तिपुरमा लाग्ने चक्रेश्वर मेला यसवर्ष भने कोरोना महामारीका कारण हुन पाएन । जिल्लाको चन्द्रकोट गाउँपालिका वडा ४ शान्तिपुरमा पर्ने मन्दिरमा बाला चर्तुदशीकोमा सतबिज छर्ने पर्वको अवसरमा यस क्षेत्रको चर्चित एबं धार्मिक रुपले पनि लोकप्रिय मानिदै चक्रेश्वर मेला कोरोना महामारी कारण नलागेको हो ।

पाल्पाको बगनासकालीमा शिशु फाल्ने महिला पक्राउ मंगलबार, मंसिर २३, २०७७ पाल्पाको बगनासकाली गाउँपालिका १ मा नवजात शिशु जन्माएर फाल्ने एक महिला पक्राउ परेकी छन् । तानसेन नगरपालिका १४ घर भई हाल बगनासकाली गाउँपालिका ३ माईती घरमा बस्दै आएकी २६ वर्षीय हुमा कुमारी दर्जीलाई प्रहरीले मंगलबार साँझा पक्राउ गरेको हो ।

तम्घासमा बजार अनुगमन, अधिकांश पसलमा मूल्यसूची नै छैन मंगलबार, मंसिर २३, २०७७ जिल्लाको सदरमुकाम तम्घासमा मुख्य बजार क्षेत्रको अनुगमन गरिएको छ । उद्योग, पर्यटन, वन तथा वातावरण मन्त्रालय लुम्बिनी प्रदेश, जिल्ला प्रशासन कार्यालय गुल्मी,रेसुङ्गा नगरपालिका उपभोक्ता हित संरक्षण मञ्च, पत्रकार लगायतको सहभागितामा रेसुङ्गा नगरपालिका वडा नम्बर एक र दुई वडाका मुख्य बजार क्षेत्रका पसलहरुको अनुगमन गरिएको हो ।

गुन्द्री बुन्दै महिला मंगलबार, मंसिर २३, २०७७ पाल्पाको तिनाउ गाउँपालिकाको ज्यामिरेमा गुन्द्री बुन्दै महिला ।

सालको काठ कटान र बिक्री वितरणमा लागेको प्रतिबन्ध फुकुवा गर्न फेकोफन पाल्पाको माग आइतबार, मंसिर २१, २०७७ सामुदायिक वन उपभोक्ता महासंघ (फेकोफन) पाल्पाले सालको काठ कटान तथा बिक्री वितरणमाथि लगाइएको प्रतिबन्ध फुकुवा गर्न सरकारसँग माग गरेको छ । संघले रोकिएको सालको काठ कटान, ओसारपसार र बिक्री वितरण तत्काल खुल्ला गर्न माग गरेको हो ।

अझै खुलेन राम्दी–रिडी ट्रयाक आइतबार, मंसिर २१, २०७७ ठेक्का सम्झौता भएर काम सुरु भएको ८ वर्ष हुन लाग्दा समेत राम्दीदेखि रिडी सम्मको ट्रयाक खुल्न सकेको छैन । निर्माण व्यवसायीको चरम लापरवाही र कालिगण्डकी करिडोर पाल्पाको वेवास्ताका कारण राष्ट्रिय गौरवको आयोजना कालिगण्डकी करिडोर अन्तर्गतको यो ट्रयाक अझै पनि खुल्न नसकेको हो ।

गुल्मीमा करेन्ट लागेर एक युवकको मृत्यु शुक्रबार, मंसिर १९, २०७७ गुल्मीमा करेन्ट लागेर एक युवकको मृत्यु भएको छ । मुसिकोट नगरपालिका ७ वामिटक्सारका २६ वर्षीय धिरज कार्कीको आफ्नै घरको मोबाईल पसलमा तार सर्ट भई करेन्ट लागेर मृत्यु भएको हो ।

पाल्पाको रामपुरमा घरको छतबाट खसेर एक पुरुषको मृत्यु शुक्रबार, मंसिर १९, २०७७ जिल्लाको रामपुर नगरपालिका ६ प्याकलुकमा घरको छतबाट खसेर एक पुरुषको मृत्यु भएको छ । सोही ठाँउका ५७ वर्षीय नेत्र बहादुर हमालको आफ्नै टिनले छाएको दुई तल्ले कच्चीघरको छतबाटा खसेर मृत्यु भएको हो ।