पाल्पा, शिक्षा स्वास्थ्य तथा साहित्य प्रतिष्ठान नेपाल पाल्पाले प्रतिष्ठानका संस्थापक संरक्षक प्रा. डा. प्रकाश राज रेग्मीको ममतामयी माता विमला रेग्मीको स्मृतिमा श्रद्धाञ्जली सभा आयोजना  गरेको छ । प्रतिष्ठानले शनिबार तानसेनमा सभा गरेको हो ।

प्रतिष्ठानमा शिक्षा, स्वास्थ्य, साहित्य र स्वयंसेवाका क्षेत्रमा गरी १० वटा पुरस्कार र सम्मानहरू स्थापना भएका छन् । यी पुरस्कारहरू प्रतिष्ठानले हरेक बर्ष मंसिर पूर्णिमाको सेरोफेरोमा प्रदान गर्दै आएको छ ।   प्रतिष्ठानले स्थापनाकालदेखिनै विमला रेग्मी स्वास्थ्य सेवा पुरस्कारद्वारा उत्कृष्ट नर्सलाई पुरस्कृत गर्दै आएको छ । यस पुरस्कारबाट युनाइटेड मिसन अस्पताल पाल्पाका दर्जनौं नर्सहरू पुरस्कृत भइसकेका छन् । यसका साथै विमला कमल चार बर्षे शैक्षिक  छात्रवृत्तिद्वारा  विभिन्न विद्यालय र कलेजका गरी डेढ दर्जन विद्यार्थीहरू लाभान्वित भएका छन् ।