पाल्पा(तानसेन), जिल्लाको तानसेन नगरपालिका - १३  मा जिप दुर्घटना भएको छ।आज बिहान  बुटवलदेखि गुल्मीको शान्तिपुरतर्फ जाँदै गरेको लु १ ज ३९४५ नं को बलेरो जिप बैकुण्ठेमा दुर्घटना भएको  हो ।

घटना मा - ५  जना घाईते भएका छन् । घाईते हुनेहरुमा  तिलोत्तमा -११ बस्ने बर्ष -२९ की कोपिला पौडेल, सोही स्थानकीवर्ष -३४ की एन्जिला अर्याल, सोही स्थानका बर्ष- ९ को आबिस्कार पौडेल, सोही स्थानका बर्ष -५९ की चुना घिमिरे,र बर्ष -३२ की निता घिमिरे रहेको जिल्ला प्रहरी   कार्यालयका सुचना अधिकारी   डिएसपि ओमप्रकाश चौधरीले शित्तलपाटी डटकमलाई जानकारी  दिए । गाडी ब्रेक फेल भई दुर्घटना  भएको हुन सक्ने प्रहरीको प्रारम्भिक अनुमान रहेको छ ।

गाडीमा चालकसहित -१३ जना सवार  रहेका थिए । जसमा -५  जना घाईते भएका हुन्  । घाईतेहरुको  उद्धार गरी उपचारका लागी तानसेनस्थित  युनाईटेट मिसन अस्पताल पठाईएको र सबैको स्वास्थ्य अवस्था खतरामुक्तरहेको  जिल्ला प्रहरी कार्यालय पाल्पाले जनाएको छ।  चालक गुल्मी चन्द्रकोट - ४ शान्तिपुरका बर्ष ३१ को बिनोद नेपालीको बायाँ खुट्टामा चोट लागेको छ । दुर्घटना भएकाे ठाउँमा कहाली लाग्दो भीर रहेको र जीप सडकको कुना तर्फ पल्टिएका कारण सबै सुरक्षित भए। यदि छेउबाट खोला तर्फ खसेको भए कुनै  पनि बाच्न सक्ने अवस्था हुदैथ्यो । उनिहरु ठुलो भाग्यले  बाच्न सफल भएको प्रत्यक्षदर्शी बताउन्छ्न । उनीहरु सबै दशैको टीका थाप्न गुल्मीको शान्तिपुर र आसपासका गाउंमा गईरहेको  अवस्थामा त्यहां  दुर्घटना भएको  हो  ।  घटनाको थप अनुसन्धान भईरहेको डिएसपि चौधरीले  बताए ।