पाल्पा, सुनको मूल्यमा नयाँ कीर्तिमान कायम भएको छ । स्थानीय बजारमा बिहीबारको तुलनामा शुक्रबार सुनचाँदीको मूल्य तोलामा  एक हजार दुई सयले वृद्धि भएको छ भने त्यति नै परिमाणको चाँदी  पाँचले बढेको छ ।

नेपाल सुनचाँदी व्यवसायी महासङ्घका अनुसार सुनको मूल्य वृद्धि भएसँगै एक तोला सुनको मूल्य  दुई लाख ६ सय निर्धारण भएको छ । त्यति नै परिमाणको चाँदी रु दुई हजार ३सय ६० मा खरिदबिक्री भइरहेको छ । यसअघि साउन २४ गते पनि सुनको भाउ १ लाख ९९ हजार ४ सय पुगेको थियो । अन्तर्राष्ट्रिय सञ्चारमाध्यमहरूका अनुसार शुक्रबार प्रतिऔँस सुन ३ हजार ४ सय ८ अमेरिकी डलरमा कारोबार भइरहेको छ । महासंघका अनुसार सुनको भाउ बढ्नुमा मुख्यतया दुई कारण रहेका छन् । अमेरिकी राष्ट्रपति डोनाल्ड ट्रम्पले घोषणा गरेका भन्सार शुल्क अर्थात् ट्यारिफ । अर्को हो, बैंक अफ युकेको ब्याजदर नीति ।

अमेरिकी राष्ट्रपति ट्रम्पले ९० देशमा भन्सार शुल्क बढाएका छन् । ट्रम्पको नीतिले विश्वको आपूर्ति प्रणाली, मूल्य सञ्जाल र कूटनीतिक सम्बन्धमा समेत असर परेको अन्तर्राष्ट्रिय सञ्चारमाध्यमले जनाएका छन् । बैंक अफ युकेले ब्याजदर ० दशमलव २५ प्रतिशत घटाएको छ । बैंकले ब्याजदर ४ दशमलव २५ प्रतिशतबाट घटाएर ४ प्रतिशतमा झारेको अवस्थामा लगानीकर्ता सुनमा आकर्षित भएको देखिन्छ ।