घरबाट हिँडेकी महिलाको शव भीरमा

गुल्मी, घरबाट निस्किएकी एक महिलाको शव भीरमा भेटिएको छ । जिल्लाको गुल्मीदरबार गाउँपालिका वडा नम्बर–४ बीरबासमा ३४ वर्षीया बिन्दु थापाको मृत अवस्थामा शव भेटिएको हो । फागुन २६ गते घरबाट हिँडेकी महिलाको शव भीरमा भेटिएको जिल्ला प्रहरी कार्यालय गुल्मीका प्रहरी उपरीक्षक (एसपी) राजेन्द्रसिंह खड्काले जानकारी दिए । जिल्लाको छत्रकोट गाउँपालिका वडा नम्बर–३ घर भएकी थापा बीरबास माइती घरमा बस्दै आएकी थिईन् । शवलाई पोष्टमार्टमका लागि जिल्ला अस्पताल ल्याइएको प्रहरीले जनाएको छ ।