केही सुसेली
इन्दिरा ज्ञवाली
अध्यक्ष, शीतकाव्य समाज पाल्पा
चढयौ डोलीमा
क्या राम्री देखें मैले
रातो चोलीमा । १
फुर्के डोरीमा
क्या माया बसेको छ
सुर्के झोलीमा । २
बुट्टे साडीमा
फेवाताल घुमौँला
नयाँ गाडीमा । ३
चल्यो बतास
तिमीलाई नदेख्दा
भएँ हतास । ४
भिर्ने झोलीमा
निकै माया बस्यो है
काली मोरीमा । ५
रवि उदाए
जे जस्तो भएपनि
चित्त बुझाए । ६
ठुस्केर बस्यौ
पस्यौ भित्र कोठामा
भाउ नै कस्यौ । ७
राम्दी घाटैमा
किन जान्छ्यौ सान्नानी ?
माडी फाँटैमा । ८
दिल खोलेको
नपाउँदा भेट्न लै
मन पोलेको । ९
मन साँचेको
भेट हुन पाउँदा
तन नाचेको । १०
प्रकाशित मिति: शनिबार, कात्तिक १५, २०८२
प्रतिक्रिया दिनुहोस्
साताको लोकप्रीय
