Shittalpati
मोहनकन्या माविको ‘हिरक महोत्सव’ तयारी अन्तिम चरणमा  

पाल्पा, छात्राहरुको मात्र पठन पाठन हुने  पाल्पाको ऐतिहासिक शैक्षिक संस्था मोहनकन्या माध्यमिक विद्यालयले आफ्नो ७५ औँ वार्षिकोत्सवको अवसरमा हिरक महोत्सव मनाउने तयारी गरेको छ ।  विद्यालयले यही भदौ १६ गते महोत्सव गर्ने भएको हो । महोत्वको तयारी अन्तिम चरणमा पु¥याइएको विद्यालयले पत्रकार भेटघाट गरी जानकारी  गराएको छ ।

२००७ सालमा  तत्कालीन राण प्रधानमन्त्री मोहन शमशेरको नामबाट स्थापित  मोहन कन्या माविमा कक्षा १ देखी १२ सम्म छात्राहरुले मात्र अध्यन गर्ने यस क्षेत्रकै एकमात्र कन्या विद्यालय हो । छोरीहरुलाई पनि विद्यालय शिक्षाको पहुचमा पुर्‍याउन, छोरीहरुलाई शिक्षित बनाउने उद्देश्यले तानसेनका अयोध्या प्रसाद प्रधान लगायतको समुहको पहलमा मोहनकन्या विद्यालय सञ्चालन भएको हो । हिरक महोत्सवको अवसरमा भदौ १५ गते पुर्व विद्यार्थी पुर्नमिलन कार्यक्रम रहेको छ  । हिरक महोत्सवलाई लुम्बिनी प्रदेशका मुख्यमन्त्री चेतनारायण आचार्यले सम्बोधन गर्ने कार्यक्रम रहेको छ । कार्यक्रममा पत्रकार महासंघका उपाध्यक्ष मुक्ति न्यौपानेले बजारकोविच भागमा रहेको कन्या विद्यालयलाई देशकै नमुना विद्यालय बनाउन शिक्षक, अभिभावक, विद्यार्थी तथा सरोकारवाला निकायले सहयोग, सहकार्य र समन्वय गर्न जरुरी रहेको बताए । विद्यार्थीलाई युग सुहाउँदो शिक्षा, डिजिटल प्रविधी, टिक्ने र विक्ने शिक्षाको व्यबस्था मिलाउन पत्रकार महासंघ उपाध्यक्ष न्यौपानेले जोड दिए ।  विद्यालयमा हाल ३ सय भन्दा बढी विद्यार्थी अध्यनरत रहेका छन् भने कक्षा ९ देखी १२ सम्म १ सय ४० जना विद्यार्थीले अध्ययन गर्दै आएका छन् । विस २०७४ सालदेखी विद्यालयमा कक्षा ९ देखी १२ सम्म निःशुल्क रुपमा कम्प्युटर ईन्जिनियरिङ्ग शिक्षा पठन पाठन हुँदै आएको छ ।

विद्यालयले अधिकाश विद्यार्थीहरुलाई छात्रबृत्ति उपलब्ध गराएको, पठन–पाठनमा कुनै किसिमको शुल्क नलाग्ने, पहिलो पटक भर्न हुने विद्यार्थीलाई विद्यालय पोशाक निःशुल्क उपलब्ध गराउने, कक्षा ८ सम्म निःशुल्क रुपमा दिवा खाजाको व्यवस्था, कम्प्युटर विज्ञानमा ओजीटी गर्दा छाबृत्तिको व्यवस्था लगायतका सुविधाहरु पाउने विद्यालयका प्रधानाध्यापक दिपक ज्ञवालीले बताए । विद्यालयले आगामी दिनमा विद्यलय नर्स कार्यक्रम सञ्चालनको लागि आवश्यक तयारीमा जुटेको  जनाएको छ । कार्यक्रममा पत्रकारहरुले विद्यालयको शैक्षिक, आर्थिक अवस्था, भावि योजनाको बारेमा राखेको जिज्ञासामा विद्यालय व्यबस्थापन समितिका अध्यक्ष विधान श्रेष्ठ, विद्यालयका प्रधानाध्यापक दिपक प्रसाद ज्ञवाली, विद्यालयका प्रेस संयोजक गोपाल प्रसाद बस्याल लगायतले जवाफ दिएका थिए । कार्यक्रम समितिका अध्यक्ष श्रेष्ठको अध्यक्षता, शिक्षक मन गहिरेको स्वागत र हीरक महोत्सवका सञ्चार एवं प्रचार प्रसार समिति संयोजक गोपाल बस्यालको सञ्चालनमा  कार्यक्रम भएको थियो । 

प्रकाशित मिति: शनिबार, भदौ १४, २०८२
प्रतिक्रिया दिनुहोस्
Weather Update