काठमाडौं, विवेकशील साझा पार्टीका नेता उज्ज्वल थापाको निधन भएको छ । कोरोना संक्रणका कारण ललितपुुको मेडिसिटी अस्पतालमा उपचाररत ४४ वर्षीय नेता थापाको अन्तिम परीक्षणमा रिपोर्ट नेगेटिभ आए पनि मंगलबार अपरान्ह ४.२५ मा निधन भएको हो ।

उनको परिवार एवं शुभेच्छुकका तर्फबाट जारी गरिएको विज्ञप्तिमा भनिएको छ ‘थापाले प्रभाव पारेका जिन्दगीहरू र उनीहरूका सफलताहरू नेपालको राजनीतिक प्रणालीको सुधार गर्न उनले गरेका हस्तक्षेप, युवालाई राजनीतिको मूलधारमा समावेश गर्न उनको उत्प्रेरणा तथा सहयोग लामो समयसम्म सम्झिइने छ र त्यसलाई इतिहासले सकारात्मक किसिमले मूल्याङ्कन गर्नेछ भन्ने हामीलाई लागेको छ’।

यसैगरी सो पार्टीका अध्यक्ष रवीन्द्र मिश्र र संयोजक मिलन पाण्डेले विज्ञप्ति जारी गरी थापाको १३ औँ दिनको स्मृतिमा वृक्षरोपण गर्न आग्रह गरिएको छ भने थापाले दिएको राजनीतिक योगदान र संस्कारबारे छलफल सञ्चालन गरिने उल्लेख गरिएको छ । –रासस