काठमाडौं, सेन्ट भिन्सेन्ट (वेस्ट इन्डिज) साउथ अफ्रिकाले आफ्नो बिजय यात्रालाई कायम राख्दै, सेंट विंसेन्टको आर्नोस भेलमा भएको अन्तिम टी २० विश्वकप समूह डीको समूह चरणको खेलमा नेपाललाई एक रनले पराजित गरेको छ ।
दक्षिण अफ्रिकाले पहिले ब्याटिङ गर्दै २० ओभरमा ११६ रनको लक्ष्य नेपाल सामु पेस गरेको थियो , जसमा रीजा हेंड्रिक्सले ४९ बलमा ४३ रन बनाए भने क्वीन्टन डिककले १०, कप्तान एड्न मक्रमले १५, हेनरिच क्लासेनले ३, डेविड मिलरले ७ , मार्को जनसेन १ र कगिशो रबाडा शून्यमा आउट हुँदा ट्रिस्टन स्टुब्स २७ रन बनाएर नट आउट रहे ।
नेपालका लागि कुशल भुर्तेलले चार विकेट र दिपेन्द्र सिंह ऐरीले तीन विकेट लिए । बलिङ उत्कृष्ट गरेको नेपालले ११६ रनको लक्ष्य पछ्याउँदै २० ओभरमा ११४/७ रनमा रोकियो । नेपालका लागि ओपनर आशिफ शेखले ४९ बलमा ४ चौका र १ छक्का सहित ४२ रन बनाए । अनिल साहले २४ बलमा २७ रन जोडे भने कुशल भूर्तेलले २१ बलमा १३ रन बनाए । दीपेन्द्र सिंह ऐरी ६ रन बनाएर आउट हुँदा कप्तान रोहित पौडेल शून्यमा आउट भए भने सोमपाल कामी ८ रन बनाएर नट आउट रहे ।
तवरेज शम्सीको चार विकेटले नेपाललाई जीतबाट रोक्यो ।अन्तिम बलमा नेपाललाई २ रन आवश्यक रहेको अवस्थामा, गुल्सन झा रन आउट हुँदा नेपाल ११४/७ रनमा रोकियो । यस आइसिसी टी-२० विश्वकपको अन्तिम आठमा प्रवेश गर्ने सम्भावना कायमै राख्नका लागि दक्षिण अफ्रिकाविरुद्ध जित्नै पर्ने खेलमा नेपाल १ रनले निरासा जानक हार बेहेरेको छ । ११६ रनको लक्ष्य पछ्याउँदै, नेपालले अन्तिम बलसम्म प्रतिस्पर्धा गर्यो । यो हारसँगै नेपाल सुपर ८ चरणमा पुग्न असफल रह्यो । समूह ‘डी’ मा रहेको नेपालले अन्तिम खेल बंगलादेशसँग खेल्नेछ । यो हार नेपालको लागि विशेषतया दुःखद रह्यो र सुपर ८ मा पुग्ने र टेस्ट राष्ट्रविरुद्ध पहिलो जीत हासिल गर्ने नेपालको सपना अधुरै रहेको छ । समूह ‘डी’मा रहेको नेपालले अन्तिम खेल बंगलादेशसँग खेल्नेछ ।
