पाल्पा, आगामी फागुन २१ गते हुने प्रतिनिधिसभा सदस्य निर्वाचनका लागि  पाल्पामा स्वतन्त्र उम्मेदवार बनेका  क्षेत्र नम्बर २ का देवीप्रसाद भण्डारीले उम्मेदवारी फिर्ता लिएका छन् । मुख्य निर्वाचन अधिकृतको कार्यालयमा  तोकिएको समयमा  भण्डारीको मात्र उम्मेदवार फिर्ता भएको हो ।

भण्डारीले प्रतिनिधिसभा सदस्य निर्वाचन ऐन २०७४ को दफा २५ को उपदफा (१) बमोजिम नाम फिर्ता लिएको मुख्य निर्वाचन अधिकृत हरिप्रसाद शर्मा उपाध्याय पंगेनीले जानकारी दिए । ३० जनाको मनोनयन दर्ता भएकामा  १४ राजनीतिक दल र ६ जना स्वतन्त्रको उम्मेदवारी कायम रहेको छ ।  मनोनयन दर्ता गराएका मध्ये एक जना स्वतन्त्र उम्मेदवारले फिर्ता लिएपछि अहिले २९ जना  चुनावी मैदानमा उत्रिएका छन् ।