पाल्पा–२ (१) मा दुई हजार पाँच सय बढीले काँग्रेसका वीरबहादुर राना अगाडि

पाल्पा, पाल्पा निर्वाचन क्षेत्र नं.२ (१) को प्रदेश सभा सदस्यमा नेपाली काँग्रेसका वीरबहादुर राना सुरुवातीदेखि नै अग्रस्थानमा छन् । लुम्बिनी प्रदेशका उर्जा, जलस्रोत तथा सिंचाई मन्त्री समेत रहेका राना बगनासकालीका ९ वटा वडा र तानसेनका ७ वटा वडाको अन्तिम मत परिणाम सार्वजनिक हुँदासम्म २ हजार ५ सय ४० मतले अगाडि छन् ।

पछिल्लो मत परिणाम अनुसार रानाले १० हजार ९ सय मत ल्याएर अग्रस्थानमा छन् । उनका प्रतिद्धन्दी नेकपा एमालेका परशुराम भट्टराईले ७ हजार ६ सय ४९ मत ल्याएर दोस्रोमा छन् । मन्त्री रानालाई सुरुदेखिको अग्रताले विजयीको नजिक पुर्‍याएको छ । यहाँ मंगोल नेशनल अर्गनाइजेसनका लक्ष्मण गाहाले १ हजार ३ सय ३०,राष्ट्रिय प्रजातन्त्र पार्टीका राजु गैरेले १ हजार २ सय ४८ मत प्राप्त गरेका छन् । यस्तै घर चिन्हमा १ सय ८६, छातामा १ सय २५ र मादल चिन्हमा ६३ मत खसकेको छ ।